حـــرام ** بقلـــــم: عـــــادل الشــــــهــابى

حـــرام

يا ناس كفايه بقا حرام ....

أبوالعيال مش عارف ينام ..

ولا يتهنى بالاحلام ...

من يوم بس خلص العيد ...

وتانى يوم بدء عام دراسى جديد ..

والمصاريف على أبوالعيال بتزيد ..

ومفيش حاجه طالعه فى الايد ...

مرتحشى من العيد ومصاريفه ...

جه العام الدراسى بكتبه وكراريسه ..

ومقلمة وبرجله ودبابيسه ..

وأبوالعيال مفش حد يغيثه ..

والمدرس الخصوصى مستنى براديسه ..

شغال يا عينى ليل ونهار ...

يتغدى ويحرم نفسه من الفطار ...

علشان يقدر يلبى طلبات الدار ...

ويقدر على مصاريف الصغار ...

مطلوب منه هدوم للمدرسه ...

وكتب وادوات هندسة ..

غير بقا الدروس الخصوصية ...

وآه لو عنده اتنين فى الكلية ...

يبقى مش هتكفى النقدية ...

والحياه هتبقى رضية ...

فيها أيه لو المدارس كانوا أجلوها ...

علشان يستعدوا والحاجه الناقصة يجبوها ..

بدل ما أصحاب الأولاد يطحنوها ...

يا رب أنت الكبير ...

يسر لنا كل امر عسير ...

وأرحمنا يا رب من التفكير ...

دعوة من القلب يا رب بضمير ..

بقلـــــم: عـــــادل الشــــــهــابى