واحشني يابني.....بقلم ياسين عبد الوهاب السيد ..مجلة درة الوجدان

واحشني يابني

*******

مات خلاص اللي كنت 

بقومو لمدرسته بدري

مات بالرصاص ولا إتعدم

يوم ما أتعدم يا ملوك 

ضميركم

طب اللي شافوا يوم مامات

من سكات ياريت يقولي

شافوا زي كان بيضحك

ولا شافوا مات بيبكي

واحشني يابني ياريت 

تقولي أمتى ترجع وتناكفني

كنت بفرح لما أعاتبك ....

تيجي تجري وتصالحني

أخدك في حضني ... ليه تسيبني

قولتلي عندي امتحان ..

عن الكرامة والوطن

هاتي شنطتي

حطي العلم ويا الحجر

هيشيلها كتفي

وأطمني أنا مش هغيب

سبحي وأدعيلي أنتي

وأسمعي يا أمي مني

وصيتي ...... لو جسمي

جالك في الكفن 

تزغرتي أوعاك تبكي

دي الجنة أوسع من وطن

.........

حيطانه ضاقت على البشر

ورصي الحجر جمب الحجر

أخويا بعد دفنتي راجع 

يكمل سكتي 

على كتفة هيشيل العلم 

وأيده هتمطر حجارة

وداع يا أمي أوعاك تنسي 

وصيتي

سا محني يابني مع السلامة

مش قادرة أخبي دمعتي

دي مش دموع حسرة وندم

دي فرحتى مع دمعتي

بطمنك .....

تارك هنا خده كلنا

وبكرة لازم ننتصر

ياسين عبد الوهاب السيد

25-10-2015