ما بتسألش عليا ليه ( أغنية ) بقلم / كريمة دندش

ما بتسألش عليا ليه ( أغنية )

****************

نسيت حبى ولا ايه

ما وحشتكشى

كنت ديما بصاحيك

وفى ايدى وردة وبناديك

تفرح ووتقول لى 

انت احلى وردة

شافتها عنيك

ماا أشتاقتش

كنت ديما استناك 

واجرى عليك

وأنا فرحانه

تفتح ايديك 

وتلاقينى 

ما حنتشى

كان حنانى وحبى ليك

بينسوك همومك

وحزنك

لما تلاقينى واقفه جنبك

وآبتسم ليك

وكلى شوق وحنين

ما وحشتكشى

كنت لما اتشاقى 

وادلع 

تقول حرام عليكى 

قلبى هيولع

دا أنا فى حبك

دايب فيكى

وفى هواكى بموت فيكى

ما اشتاقتش

اوعى تقول 

كنت مشغول 

ولا فى مكان 

غير مأاهول

أزعل منك 

على طول 

ما وحشتكشى

بقلم / كريمة دندش

30-8-2015