(أيام ماتتعوضش)....****** بقلم/ ياسمين محمد

 

في حياتنا أيام جميلة متتعوضش

مرت في حياتنا مبتتكررش

كلنا أكيد فاكرينها

وبحلاوتها مش ناسينها

أيام اليال كان مرتاح

والابتسامة مسا وصباح

عشناها بطولها وعرضها

وحلمنا في سماها وارضها

ولكل مكان كان له ذكرى

وامنيات أملنا تتحقق بكرة

ونقول إمتى نكبر ونطول السما

وكل لحظة نفرح لما نكبر سنة

في قلوبنا كلنا شايلنها

ومحفورة جوانا مش سايبنها

فاكرين أيام اللعب والتنطيط

ولمستقبلنا رسم وتخطيط

ولما الليل يهل علينا

نجري نسمع ألف ليلة وليلة

وحضن أجدادنا يضمنا

والفرجة جوانا مع أهلنا

والنوم يرفرف في عيونّا

ونحلم إزاى نبدأ يومنا

قلتلكم أيام ماتتعوضش

هربت بسرعة إزاى معرفش

لكن هتفضل في دمنا

نفتكرها لما نقعد وحدنا

ويمر شريط أدامنا ذكرى

ياترى ممكن ترجع ونشوفها بكرة