\\شهادة وفاة \\---------------------------بقلم الشاعر اشجان احمد عبد الرحمن

\\شهادة وفــــاة \\

رحلة انكتبت من سنين 

تبعد عنى واعيش حزين 

واشتاق ليك وقلبى حنين 

حبيبي ياغالى رحت فين 

تملى في قلبى وع الجبين 

حبك بيسري ف الشريان 

شربت منك حب وحنان 

ويوم وفاتك جاللى جنان 

شلل فى ايدي ورجلي كمان 

وف كل لحظة بعيش حرمان 

افتكر طفولتي ويا السنين 

وايامى مرت يانور العين 

سافرت معاك لكل مكان 

رحلات وفسح كانت زمان 

وايام دراستى بقيت قلقان

وتعبت معايا فى شراء فستان 

جزمة وشنطة وتوكة الوان 

والمصيف كان ويا الخلان 

ويوم نجاحى كنت فرحان 

اهدتنى غويشة كانت جنان 

ويوم خميس كنت بستناة 

ارجع من مدرستى رهوان 

عشان نفطر فول بالكمون 

تهرسة بايدك يابو قلب حنون 

حااقول اية واحكي لمين 

لو حكيت حااملئ دواوين 

حنانك وطيبتك امان 

وقلبك الطيب هدية الرحمن 

تعبت فى الدنيا وكنت شقيان 

وكنت حنون على الاهل والخلان 

وفتحت بيوت لاانك انسان 

ومن يوم فراقك ضاع الامان 

ضهري انكسر وبقيت غلبان 

وحياتى كلها بقت اشجان 

نفسى اشوفك فى الجنان 

ونتقابل سوا حاكون فرحانة

فينك يابابا يانبع الحنان

كلماتى 

اشجان احمد عبد الرحمن 

9\10\2015