****قلبك مات **** --------------------------------بقلم الشاعر محمد سالم

 ****قلبك مات **** 

إيه إحساسك لما تلاقى نبضك مات

وإن العمر فى زمنك ضايع لحظة وفات

لما تكون عايش فى سراب لماتكون صعبة الأوقات

تلقى حياتك ظلم و عتمة والأحزان صبحت روايات

لما يكون الحلم كابوس ودموعك مليانة آهات

تبكى وتصرخ من غير صوت وبتتخفى فى المتاهات

وسط معانى اليأس الجانى تبدأ تهزى بالإشارات

تصبح ساكن أرض الخوف لما تكون صعبة الحكايات

تصرخ فيك تراتيل الموت تجرى عليك كل الأزمات

عاندت فيك كل العِبارات واقفة بتصرخ فيك لساعات

وإنت ياصاحبى قلبك مات