حلم فى خيالي بقلم امل مخيمر
» » حلم فى خيالي » »
»»كنت ديمآ اقول يا يما»»______
»»فى نفسي حاجه بشتهيها »»_____
تقولي نفسك فى ايه يابنتي _____
قومي يﻻ روحي وهاتيها __________
بشتهي حاجه فى بالي_______
لونها رايح من خيالي_________
طعمها مفارق لساني__________
صوت فى ودني بسمعه _________
صوت جﻻجل فرسه حره__________
شخاليل خلخال صبيه____________
وشم فى دقن الغجريه __________
تنورات متلونه ف مولد يادنيا_______
مولد يﻻ وصاحبه غايب________
فرع نور زينه وكهارب ________
مراجيح تعلي بفرحه __________
ايد بتمسك نجم عالى__________
وعيون بيسكنها القمر__________
مراجيح نازله برجفه___________
حلم واقع تحت رجلين الخﻻيق_______
»»وارجع اقول تاني يايما »»
»» فى نفسي حاجه بشتهيها »»
بشتهي أكون عروسه _________
توبها من ضي القمر_________
راكبه فوق ضهر الفرس________
ماسكه ايد زينه الشباب_________
ضحكه صافيه جوه ف عيون الصحاب _________
زفه بتلف البلد_________
حاره...حاره......وعطفه ....عطفه __________
زغروته بترج السحاب____________
حنه بكفوف الصبايا __________
بس جه وقت المطر .!!________
راح معاه ضي القمر _________
راحت الفرحه الكبيره _________
سالت الحنه بكفي ___________
كف فاضي وحنه سايله __________
نظره شارده ودمعه حايره _________
من عنين زينه الشباب_____________
حلمه ضايع________
جيبه فاضي________
علم متعلق ف حيطه ________
ورقه بيضا بختم اصلي________
كان دكتور وﻻ مهندس؟؟_________
كان بيدرس فلسفه ؟؟_______
وﻻ شهادته ترجمان ؟؟_________
راحت الفرحه الكبيره_________
سالت الحنه بكفه __________
كف فاضي..وحنه سايله________
حلمه ضايع_______
جيبه فاضي________
آهه من قلبي بتخرج ________
فيها دموع كل الصبايا_________
فيها ضياع كل الشباب__________
»»وارجع اقول تاني يايما»»
»» فى نفسي حاجه بشتهيها»»
وﻻ بﻻش ياام الغوالي ________
وﻻ بﻻش تاني راح احلم________
يكفي أعيش حلم فى خيالي_______
»» امل مخيمر»»
مرسلة بواسطة Alwijdan @ أكتوبر 12, 2015
<< الصفحة الرئيسية