ساعات ** بقلم / رمضان العلالقة

ساعات

~~~~

ساعات

بحس بجرح عمري 

و سيل دموعي و الأنين

و ساعات بحس 

ب آه في صدري

و طعنة من غدر السنين

أفتكر أحلام حياتي 

أنكفي زي اليتيم

آهات تعشعش 

جوه مني

تحضن الجرح الأليم

خوف رهيب بيلازمني

و جرح قاسي كان أثيم

عشت عمري يا حب عمري

بين صفوف المجروحين

لكن الحب اللي خدني

بين أديكي كان نعيم

عومت في تيار هواكي

و موج محبة و الحنين

تضحك الحياة و زهورها

يا ضي نور العاشقين

يا شمس طالعة 

ف صبح هادي 

فتح الزهر الحزين

أمسحي الدموع و نامي 

بين عيوني للصباح

أغسلي الآهات في صدري 

اللي نامت ع الجراح

أذني الفجر لهوانا 

بلاش نفكر ف اللي راح

ارفعي راية المحبة

و إعلني ما فيه بعاد

أدخلي في قلب عاشق

و إعلني عمري البلاد

أنتهى وقت المجادلة

نعيش حياتنا بالوداد

البعاد ما يكون طريقنا

و العناد هو السبيل

رح نغني لشمس بكره

اشعلي الشموع ف ليل

يا ضي ليل و نجمة هلة

و طير و غني ع الأصيل

بلاش بعاد و دمعة شاردة

م النهارده ما فيه بديل

كل همسة في عمري ليكي

بين أيديك قلبي العليل

~~~~~~~~~

بقلم / رمضان العلالقة