الى روح المرحومة امى ( سامح ايليا ) (فينك يا امه)

فينك يا غاليه رحت

دانا بادور عليكي

عشت ياما وانجرحت

من أعز الناس إليكى

أتكويتى بنار الغربه

وأنت وسط أهاليكي

ياللى عشت حياة الكربه

ليه تفوتينى بنادى عليكى ؟

فينك يامه مابايناش

يعنى حتى ما قلت ماشى

الا فى كل مره اسأل

أسمع انين يقوللى لا شى

بدمع عينى ياحنينه

أبكى عليكى عمرى كله

ياللى كنت بتداوينا

وأحنا كنا عليكى عله

هو هان عليكى بامه

تفارقينى من بعد خله ؟

ياللى علمتينى الحنان

وزرعتى فى قلبى الأمان

مين من بعدك يا غاليه

هايقوللى باين عليك تعبان ؟

مين من بعدك يا امى

راح يقوللى اوعى تبات زعلان ؟

مين من بعدك يا طيبه

راح يطبطب على ضهرى ؟

ويقوللى : ياولدى ربنا يخليك

علطول كسبان وفرحان

الله يرحمك يا امه...