الشاطئ البعيد شعر : زينب سالم
الشاطئ البعيد
شعر : زينب سالم
نامت عيوني لكن قلبي صاحي
نفسي أشوف كل قلبك براحي
يا لايمين على حبي سيبوا جراحي
ما تكشفوش عني غطايا و وشاحي
كل خوفي ينساني و يروح
يبعد و كل ما بيننا جروح
ياما سهرني ليلي وهو يبوح
عديت معاه طريق مسموح
لكن سابلي قلبي جريح
سنين جاية رياحها تطيح
ظلمت قلبي معاك صحيح
لكني شاركتك بجهل صريح
أنا حبيتك بأقولها و أرتاح
لإن دايما الحب جوانا فضاح
بيسيب ضحايا كتير و جراح
مين قلبه كبير مليان سماح
مرسلة بواسطة Alwijdan @ أكتوبر 01, 2015
<< الصفحة الرئيسية