ـ ثبات الشهداء ـــــــــــــبقلم الشاعر/ نجاح عبد الفتاح

 

والله يعجز لسانى على أنه يتكلم

كل اللى فيك ده ثبات منه بنتعلم

وجوه قلبك رصاصه والصدر يتألم

شاورلى حتى باديك بلسانك أتكلم

عنيك تلومني بكلام وأنا عمرى ما هسلم

ااااااهين ياناس على الوجع والجرح صادمني

باديا إيه يازمن والكل صوته أنعدم ويهودي ظالمني

أبني برصاص الخسيس فى صدره عدى وفات

وكل من فى العرب فاكرينه طفل ومات

وعنيه تقول للعرب ما كفايه منكو سكات

لحد أمتى ياناس الصمت بيأذينى

والله مسلم ياناس ودمى فلسطينى

شوفو كلامى فى عينيه موتى عشان دينى

تشكى لمين يابطل والشكوى للرحمن

الأقصى لو بالعرب مايحرروش أنسان

كله بيجرى لمصالح ولا همه مين أو كان

دمك ياولدى فى عينى بيصارع الأركان 

وعنيه سالت دموع الحزن والعصيان

والله عاجز لساني على أنه يتكلم