عــــــنـــــوان مــــــريـــــب ل مـــحـــمــد ضـــبــاشــه

لـمـا الـوطـن يـقـفل بـيبانه

والـلـي بـانوا عـنوان مـريب

يـبـقى الـلـي بـاقـي هـانوا

والــلـي حـاصـل دا غـريـب

والـلي شـايفينه في مكانه

مـــن بـعـيد أو مــن قـريـب

حـالـة أشـبـه بـاللى عـانوا

والـلي ما سامعوش مجيب

حـالـة خـايـفه تـقـول كـلام

مـن غـير علام ما تعلموني

أشــوف كــل شـيء تـمام

وفـى الـتراب أدفـن عـيوني

وتـبـقى عـيـشه والـسـلام

وحــبــة حــبــة تـعـودونـي

أشوف الشمس في ضلام

وأنـا كـنت ماشى تقعدوني

لـما الـوطن يـلغى سـنينى

ونـبت الـعرق نـلقاه سـراب

يـبقى مـين يـسمع أنـيني

وقـفل ظـاهر عـلى كل باب

والـلي بـاقي مـنى حنينى

وصفحة مقطوعة في كتاب

وكـلام حـويط جوه السطور

والـنور مـسلط على البيبان

وورا الـبـيـبان مــدن الـقـبور

وأشـباح تلمع في اللي بان

وعـيون تـغربل فـى الـصدور

عـلى صوت يرن فى الودان

تـلـقى الـمـقاصل لـيها دور

وبـالـقـانون أصــبـح مُـــدان