**بعتذرلك يا قلبي**....بقلم د.نيفين مطر

بعتذرلك ياقلبي وياريت تقبل اعتذاري

علي كل جرح سببتهولك لسوء اختياري

عذبتك معايا كتير في مشواري

وكل مرة أجرحك ..كانت باختياري

ياما سهرتك وبكيتك وكويتك بناري

وأقولك ده حب عمري وقراري

ترد عليا ..ده دايما يجرحك وانت بتداري

كل مرة يعذبك ويخليكي تنهاري

أخره حبك ليه ايه؟ وليه عذابك في حبه تختاري؟

فعلا ياقلبي عرفت اني كنت غلطانة في اختياري

ياريتني سمعتك من البداية ولا اتعذبت ليلي ونهاري

وجاية اعتزرلك ياقلبي وياريت تقبل اعتذاري