(قصيدة/يادنيا خفّي واتلمي) (بقلم/ الشاعرة/سلمي رفعت )

(قصيدة/يادنيا خفّي واتلمي)

(بقلم/ الشاعرة/سلمي رفعت )

2015/10/31

وبعدت بينا خطوتنا

...................وطالت بينا غربتنا

أتاري الدنيا نسيتنا

.............ونسيت حتي خطوتنا

بنصرخ لي بشكوتنا

..............وعمر الفرحة ما زارتنا

عذاب وهموم مخدتتنا

.............وهمّ وويل في فرشتنا

وأهل بينسوا لمتنا

..........دي نسيوا حتي عشرتنا

أتاري الجرح سكتنا

.................وعمر الدنيا ما ادتنا

ليالي الحلم خصمتنا

...................وهربت زي دمعتنا

نعيش ازي في دنيتنا

.................وناس بتخون محبتنا

وأه بتزيد في حسرتنا

..................وجرح ليالي حوطتنا

كفاية وانسوا حكاينا

...................دا حتي الأه كرهتنا

بلاش نحلف بذمتنا

................دي حتي الذمه ذمتنا

ونسيت حتي فين بتنا

.................بلاوي الناس بتحبطنا

نعيش بالوهم كدبتنا

....................وليل الخوف مموتنا

تملي زمانا يعاكسنا

............في قلب الضلمه يحبسنا

ومين غيره يونسنا

....................جبال الصمت تورثنا

ياصبر العمر فلّسنا

...................وسبنا الدنيا توكسنا