ليه بتدوس على قلبى بقسوة بقلم سامى ابو الغيط

ليه بتدوس على قلبى بقسوة

وفى عز الامى تحس النشوة

دمع عيونى لما بتنزل

كنت بشوفك بتدارى الضحكة

فاكر انى هاموت من بعدك

ولا يدوب القلب ف بُعدك

راجع نفسك واركز وارسى

عمرى مارجعلك يا خى بُعدك

عد نجوم الليل واحضنها

روحى معاك ما عرفت تصونها

وقلبى خلاص حالف ينساك

نسيت اللحظة وكل حنينها

خد من شمسك نور لليل

اصل ضلام الهجر عليل

واعرف ان حياتك قسوة

هى عاميلك فيا دليل

واحلم مرة تكون ورداية

او فى الليل نورك قمراية

لكن ياخسارة والف خسارة

يمكن تتحقق المرة الجاية

ابو وسام

**********************

سامى ابو الغيط

**************************************