(نمط غنائي شعبي ) لفين يا دنيا وخدانا ************يا سين عبد الوهاب السيد

 

ماشين فيكي ومش عارفين

لفين يا دنيا واخدانا

شايفين طريق الفرح

سنين

وعيونك عنا عميانه

--------------

شمال نمشي يقولوا يمين

وناس في الزحمة سكرانه

وخلق الله يا ناس مساكين

لكن راضية وفرحانة

--------------

بلقمه بملح تجمعهم

يحلوا حدائها بعرقهم

وهدمة برقعة ستراهم

أرحم من دنيا عريانه

-----------

لا بتستر حد وتغطيه

ولا البردان تقول أدفيه

تحايلي الظلم وتعليه

وإحنا تملي نسيانا

------------

ياريتك حتى سمعانا

تعبنا الآه وآه يانا

مسامحينك يا كرهانا

لالوم لا عتاب ولا ملامه

..........

وادينا يادنيا فيكي ماشيين

لفين ماتقولي وخدانا ؟