الشاعر المصري / احمد ابراهيم ************************ فى قصيدة ( الدنيا دي مسخرة )

 

 
 


الدنيا دي مسخرة بلياتشو على مسرح


فيها اللى شارب حزن سكران بيطوّح

فيها الجعان شقيان وعيونه بدّمع

اصل البكي له ناس قطر الفرح روّح

حبل الزمان مقطوع منه الامل غرّب

يا عايشين الحلم الحلم ما روّح

اصحى وفوق يا جريح جرح الاهات جرّح

حتى الامل كان وهم وانا اللى متسوّح

بلياتشو اصله حزين ووشه ده بيضحّك

قلبه بيبكى حزين والدمع بيغرّق

فوق الحبال ماشي خايف ليطّوح

والدنيا دي مسخرة وطحونه بدوّخ

القلب شاب وأتشّل ايام وبتبوّخ

عايشين على الاوهام والكدب متزوّق

يا عايشين الحلم قطر الحنين شرّق

بلياتشو ع المسرح يضحك وبيهرّج

لكن جراح القلب بالفرح متشوّق

وناس هنا تسقّف تضحك على الحركات

اكمنه بيهرّج

لكن ده قلبه حزين ودموعه بتغرّق

بسمة بأهات دمعات ساكنه الجراح تسكن

جماهير على الحركات تضحك وبتسقّف

وقلبه م الاحزان قلبه اللى عاش ينذّف

والدنيا دي مسخرة وع الوتر تعزّف

لحن الاهات يا جريح للعدل ما بتنصّف

عجبي على الجماهير عايشين على مسرّح