كنت فاكره إنك نستنى: *************بقلم / كريمة دندش*****.

 

آخر مرة شفتك فيها.

كنت بتبكى.

كنت لبسه فستان الفرح.

بس ما كان ليك.

كنت فاكره إنك نستنى.

كنت ديما تقف بعيد عنى تراقبنى.

وكنت أهرب منك.

لأنى حسه إنى مش ليك.

ومن كتر خوفى وكسوفى ببعد بعيد.

كنت فكره إنك نستنى.

وطالت السنين بينا.

وكل واحد فى طريق.

ولما قابلتنى فى الطريق .

شفت دمعتك .

ورجوعك من الطريق.

كنت فاكره إنك نستنى.

كنت خايفه تتعلق بى .

وتتعذب عذاب السنين.

وأنا عارفه إنى مش ليك.

مش بخاطرى كنت ببعد بعيد.

دا كان غصب عنى .

كان حكم القوى على الضعيف.

**********************