(كرسى المجلس))الوسيط / يحيي المصرى

 

عـَدّيت على كرسى انا فى المجلس....
قاعد مع نفسه بيتكلّم....
والحـُــزن اهو باين على خـَشـَبه...
ودموعه النازله مابتسلّم...
.............................
.............................
قلت له يامــُســَبــِّح ليه باكى ...
وازّاى انا سامعك تتكلّم...
قال لى يامــُفـَكـِّر فين قلمك ...
ينقل للشـَعب المتألّم...
..............................
من أوّل يوم خـَشبى اتصنـَّــع ...
قلنا احنا هنحمى المـِظـّـَــلـِّم....
أنا كرسى النايب عن دايره ...
والحق نصير المتكلـّم...
...............................
النايب ده إسمه الحامى ...
مش رامى وداخل يتكمم...
ولا واخد جسمى لـِحصانه...
ويدوس ع الشعب المتألـّم...
..............................
وبإمضه يسمسر ويتاجر...
وأراضى تهاجر يامعلِّم....
صـَبـَحت وصوليه ومـُتاجره...
طب ليه الحق بيتكمم...
.............................
أنا باكى العدل مع الرحمه ...
عايزين نتصـَعـَّد نتقدّم...
و أرانب وصـَبحوا ديابه...
أعلامهم واضحه على السلّم...
...........................
علشان مافيهومش هناك حامى ...
أورامى الشعب المتألـّم ...
أيا ساسة مصر الغلـَّـابه...
ياشبابى فى بلدى يامتعلـّم ...
..............................
أنا طالب نـَصّ ف تقريركم...
على حامى ورامى وبيصمم...
أعدادهم نومـهم أنفاسهم ...
ومتابعه وكامله يامعـَلـّم ...
وكفايه مظا لم ف شعوبنا...
عايزين كده ننهض نتقدّم...
............................
إكتب يامـُفـَكـِّر وانقل لى ...
الصوره للشعب المتألـّم...
الموت اهو واقف على بابنا ...
مين ضامن عـُمره يامـُعـَلـِّم...
................................