- شمس وقمر ......--بقلم الشاعر السوري المهجري ... اليان سمعان

 --- شمس وقمر ---=*0*=---

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

انتي وهالقمر شو بتعملو فيي 

---=*0*=--- كل يوم المسا بتتاُمرو عليي

بشوف وجهك فيه بتسرح الكلمات 

---=*0*=--- بخاف النعس يوصل يغمض لعينيي

بسطر قصايد عشق وبضيع الابيات 

---=*0*=--- غرقو ببحر العين امواج عالية

وارسم عاموج البحر للغالية لوحات

---=*0*=--- يرجع زبد عالشط يبكي بحنية

بكتب شعار الغزل وبحمل النسمات

---=*0*=--- توصل مع القهوة كل يوم صبحية

صار الخمر يعزف للوعي نغمات 

---=*0*=--- والحلم يبكي الم عالبعد مافيي

قنديل المسا يخلص يحرق الاهات

---=*0*=--- وتبقى حروف الشوق شمعات مضوية

طل الفجر مجنون وخلصت الكاسات 

---=*0*=--- بذكر حضنتك شمس وغمضت عينيي

..........-----..........-----..........-----...........

الشاعر السوري المهجري ... اليان سمعان