( رسالة أم )... بقلم / علاء زايد *********

بلاش ياإبنى تدوس على
قلب ناس حبوك
بلاش تقسى على قلبى
وقلب أبوك
بلاش الدنيا تلعبك تهيألك
حاجات مش فيك
تبيع أهلك وخلانك وقلب
شاريك
وتركب موجه مش موجتك
وتمسك مَيه ملو إيديك
وتلبس توب لاهو مقاسك
ولا هيكون فى مرة ليك
****
وتلقى العمر بيعدى مع عندك
وإنتَ فى الفضا وحدك
وتتمنى فى يوم ننسى
قســاوتك لينـا ونودك
فى عيد الأم ناسينى
ويوم ميلادى ناسينى
طب إيه فاكر يانور عينى
كبرت خلاص ياسيد الناس
ومات من قلبك الإحساس
بقيت راجل ومش فاكر
إيديه وهــي بتشـيلك
ولا عينيه إللى سهرانه
وطول الليل بتدعــيلك
****
وآآه ياإبنى وجعت بقسوتك
قلبى
ورب الكون ماهســامحــك
ولا هنسى فى يوم جرحك
وغصب إن عنى هدعيلك
يشــيل الضلمة من ليلك
ويعميلك سواد قلبك .
سلام ياإبنى..