ةةة... توهان ..!!...ةةة ...الشاعر ابراهيم القاضي..

ةةة... توهان ..!!...ةةة 

ةةةةةةةة

جوزين حمام..من غير لجام

بين اﻻنام متمردين..

واحده شارده..فى دنيا بارده

وسط الزحام..مات الحنين

والتانيه فاقده..كل الموده

كحل عيونها ..صوت اﻻنين

والتالته ماسكه ..

قلب ف إيديها..

عيونها سارحه..متغربين

العيب فى مين..

والجانى مين..!؟

ف الليل التقيل..ولا

اللى سمع الندا..ولا صلى

ولا...

لما ولى ..ما ولى..!،

على الخسيس..وداس الطيبين

العيب فى مين..

والجانى مين..!؟

العيب فى الجناح..

ولا الرياح

ولا اللى واخد ع الجراح

اللى راح بالمباح.والمستباح

اللى خارج..عن كل دين..

العيب فى مين..

والجانى مين ..!؟

ف اللى نقر ..أبدان الشجر

واللى نبش أشلاء البشر..

ف اللى انكسر ..واللى انتحر

ولا اللى كفر بالصالحين..

العيب فى مين..

والجانى مين..!؟

فى غنا الحمام..ولا

انسجام البوم..

ولا ندا اﻻوطان..

بصوث مكتوم..!!

ولا الكلام ..اللى بات مكلوم

وسكات الرباب..

عن التلحين...!،

مين ..ومين..ومين ؟؟

جوزين حمام..موجوعين

للطيران متشوقين.!

م الأغانى ..محرومين

من حق الحمام ..ينام

ويغنى للسلام..

يرفرف ف العلالى..

بعزه..واحترام

وانت يا انسان ..خليك

عانى فقدان معانيك.!

وانسى بالطمع ..ما عليك

تمشى عريان معاليك..!

ةةةةةةةة

 2004/10/4