سألونى ...بقلــــــــم: عــــــادل الشــــــــهـــابى

 

سألونى دى حبيبتك ؟....

قولت أيوه حبيبتى وبحبها ...

وعندى أغلى من الدنيا كلها ...

دى هى اللى قلبى راح وقال لها ...

أنه دايب يا ناس فى حسنها ....

حبيبتى هى وملكانى ...

وعشقها ساكن وجدانى ...

وغيرها مش عاوز أنا تانى ....

هى الهوا وهى الروح ....

وهى دوا قلبى المجروح ...

وهى معايا فين ما أروح ...

قلبى ليها مملكه كبيره ...

وهى متوجه فيه أميره ...

ومعاها قلبى نسى طعم الحيره ...

هى اللى بشوفها فى أحلامى ...

وشمعه منوره أيامى ...

بحبها ومش حب عادى ...

وحبها ده مالى فؤادى ...

حبيبتى تعالى يالا نعيش ...

ومن كلام الناس مايهمكيش ...

ده أنا ليكى وغيرك أنتى مليش ...

سألت قلبى قالى من غير مش ممكن يعيش ..

حبيبتى يالا هاتى أديكى ....

قلبى وعقلى وكل ما فيا بيناديكى ...

بقولها للناس وأنا مش خايف ...

كان جميل قوى طعم الشفايف ...

بقولها أكيد بشوق وحنان ...

حضنك حبيبتى كان والله جنان ...

سألونى دى حبيبتك ؟....

قولت أيوه وبحبها ....

وعندى بالدنيا كلها ....