المحفظة السحرية,,,, بقلم الشاعر يوسف الحمله

المحفظة السحرية

،،،،،،،،،،،،،،،،،،،،،،،،،

آلا اونه

آلا دونه

قرب قرب ياللا يا بيه

إلحق الفرصة الذهبية

معانا المحفظة السحرية

تحط فيها الورقة أم ميه

إستحاله الست توصل ليها

مهما تفضل تقلب فيها

محفظتنا دي طوق النجاة

والسعر مفاجأه بتلاتين جنيه

وتسعة وعشرين ونص لا

قرب تعالى وإسمع يا بيه

لابضرب ودع ولابقرا طالع

المرتبات دايماً في النازل

والأسعار دايماً في الطالع

وعشان تعمل حاجة لقدام

هنعلمك تكدب على المدام

وف محفاظتنا السحرية جيوب

هتشيل فيها حتى البرشام

يا اخوانا أنا مش شاب مهيس

أنا طول عمري شاب كويس

والكدب الأيام دي مش حرام

وأنا عندى من الأدلة ألوووف

طب واللي بيجرا من الإعلام

وإعلانات الضعف الجنسي

بالذمة ده كله مش أوهاااام

والست قدام الفلوووووس

بيملُكها الفضول ويدوووس

خود محفظتي عشان تنام

وتعرف تكدب على المدام

يا هتفضل على طول منحوس

،،،،،،،،،،،،،،،،،،،،

المحفظة السحرية

بقلم الشاعر يوسف الحمله

24/12/2015