.. محمد طبيب البشريه ..... . إحساس/ حسن الشوان .........

 
مفيش في الجمال قدك
ياللي الكون إحتار بعدك
نتمني الأن قوتك وصبرك
مشاكل العالم محتاجه فكرك
عشت سنين التوحيد وحدك
ايام وشهور والله كان سندك
وعيوني تنبهر لما تشوف قبرك
وجوايا ترعرع بساتين ودك
إتحملت الظلم والجوع والألم
صل الله عليك وسلم
أزورك وأهيم بطيفك
وكياني ينتفض بنورك
وكان كلامك هو سيفك
وقلبي يدوب من شعورك
سيرتك للعالم رحمـــه
الحصي في إيدك نعمه
أنت شعاع الكون
والنقاء المـــكنون
عشت علي الفتات
والصبر إتعلــم منك
وغزواتك كلها معجزات
وقرآن بيتكلم ايات عنك
بريء من أي ضلال
جريء في أي قرار
سيرتك لكل الأجيال
علي كل لسان إنبهار
الورد فتح علي أسمك
وأسمك في كل صلاه
والعطر بيفوح من فمك
ملا أنفسنا ضياء وحياه
إنت الهداية وآخر الرسل
وبيك الدين زهزه وإكتمل
محمد الرحمه المهداه
محمد رسول الإنسانيه
محمد رســـول اللـه
وطبيب كل البشريه
......................................................................