ةةة أزرع لك ..العمر أمان ةةةالشاعر ابراهيم القاضي.

 

ةةةةةةةةة

عشان بحبك..أنا عايزك

ف الدنيا عروسه..

وأعدى الليل ..وأنا شايلك

ف النن يانوسه..

وأسابق كل اﻻزمان..

وأعملك قلبى بستان..

وأزرعلك العمر أمان

يطرحلك ف اليوم 100 بوسه

أنا عايزك..

ف الدنيا عروسه

بقلمى ..ها اكتب غنيوه

يحفظها ..مرقص وعليوه

وعلى صدرى ..

صورتك ..قدامى

ورموشك ..وحيى وإلهامى

على ضلك تكبر احلامى.!

وأيامى تخلا من الكوسه

أنا عايزك ...

ف الدنيا عروسه 

راح انضف النيل والشارع

وغناوى..تكتر فى مواجع!

وغيطانك م الجوع..والدوده

وولادك..

بعقول مشروده

وبناتك ..

من فكر فريده

وسعيده الهبله..الموكوسه

أنا عايزك...

ف الدنيا عروسه

تتحدى ..كل الهبيشه!

الفقرى تملى ..ابو شيشه

النايم ..

والناسى دماغه !

بيربى ف كرشه وصداغه

والميت من كتر فراغه..!

وجنيهه اصغر من صاغه

وبيشكى ويرص ..بلاغه

من محشى ولحمه مكبوسه

أنا عايزك ...

ف الدنيا عروسه

راح أشاور ع البيه..الخايب

الهارب من أي ..ضرايب

وعماير م المال السايب

ف وسيه ملهاشى صاحب

فى عجايب بتجر عجايب..

فى فطاير تورطه..وبسبوسه

أنا عايزك....

ف الدنيا عروسه

الشندى ومجدى ..وفهيمه

لعيبه وعاملين ..تقسيمه

ف زباين ..والخلق وليمه

واكلينها والنيه..سليمه..!

والحارس قاسم ..وياهم 

فى غداهم ..وف نص عشاهم

ننساهم ديما ...ونساهم.

ف العلقه..ما احنا الفهيمه !

بحريه..م الخوف..محبوسه

أنا عايزك...

ف الدنيا عروسه

يا ولادنا.. الحاله خطيره

مش عايزه..مزه ولا بيره

ولا إيد بتعلى البنديره..!

ولا جته هامده..وخميره

عاوزه وقفه بأمانه....

وأيادى بالخير مليانه

نتكلم وبكل ..لغانا !

ولا نسلم لعقول خوانه

رجاله ومعانا..بهانه..

وضليلة عزمى وسميره

تبقى انتى ..بهيه وأميره

وخطاكى للمجد إشاره..

وف بكره قمره..وشموسه

وتبقى الدنيا ..بجمالها..

ننوسه وأحلى عروسه....

ةةةةةةة

.2004/يونيو