...جاهل تحت التمرين !...ةة..الشاعر ابراهيم القاضي 1 يناير 2016

ة...جاهل تحت التمرين !...ةةة

ة.ة.ة.ة.ة.ة.ة.ة.ة

متشكر جدا ..ممتن

ع الشيشه وفنجان البن 

ف دماغى دبور ..بيزن !

م الظنه وكوادى الظن..

والآتى من بعد لكن ...

ةةةةةة

وحمارى وصوت ..الصرصور

وف دارى ساحر مأجور ..

يوهمنى بإنى ..مخمور

والبومه خلفة ..عصفور

ف خطيئه دبرها الجن...!

ةةةةةة

أنا جاهل تحت ..التمرين

ف حلايب سكة تعابين ..!

وف سينا ساكن تنين..

وقناتى ..نشره وفلمين

وآثارى عراها الفن...!

ةةةةةة

الخيبه ف لغز الأغاز..

لهونا ف أنبوبة غاز..

وصوابع تلعب ف بزاز !

يا أمه ماشيه بعكاز ..

للقاتل ترضى وتحن....!

ةةةةةة

الموكب ماشى ..زجزاج

وحمامنا من غير ..ابراج

ورجيحه ف وحله ..ولجاج

شبيحه وشلة ..ازعاج...!

بالعافيه الثاير هيكن...!

ةةةةةة

يا شعب مغرم..بالليجا

ومثالك أوكا..وأورتيجا

زغروته يا ست حجيجه

نتبنج واحنا..البنيجه...!

من بدرى واخدين ع الخن !

ةةةةةة

قوم دور..وانت وياه

على وطنك شوف فين تلقاه

ما بين الآه..و الآه ،!

عنوانه كام 5..مووووا 

من فيفى الاوطان بتعن ..

ةةةةةة

دم الشهدا..زى الياى

نقابلكم ف العام الجاى

على قهوه وفنجان الشاى

والدومنو ..وتسبيلة الناى

ودموعك لسه..يا أماى..

وفؤادك مليان بالظن...!

ةةةةةة

من جاهل تحت التمرين

وحياتك ياأم الصابرين ..

لاأزرعلك من عرقى سنين

فدادين ..حنه ورياحين ..

وأشوفك ست الحلوين

ولا مره قلبك ..هيئن...!

ةةةةةة

الشاعر ابراهيم القاضي 1 يناير 2016