بالهداوة /_/_/_/_محمدالباز

بالهداوة

/_/_/_/_/_/_/_/_/_

بالهداوة

وحبة حبة

قلبي مش ناقص مناهدة

راعي اني لسة شابة

رغم الظروف لكني وردة

مش عايزة شيء غير المودة

عارفة انك عليا خايفة

لكن خوفك عاملي ازمة

بحس ان في قلبي غصة

لا وكمان بتبقي قاسية

رغم انك برضوا عارفة

اني عقلي جوايا لسة

نفسي تشيلي كل شكة

وتعرفي اني مابقتش قطة

بالهداوة

وحبة حبة

مش كل همسة تقولي فكرة

وتشددي في كل كلمة

رغم انك قلبك ابيض 

بس بجد انتي صعبة

نفسي تكوني مرة هادية

وقتها بس هتعيشي رايقة

والحياة مش هتبقي خانقة

بالهداوة

وحبة حبة

رغم الظروف لكني وردة

مش هقولك معاملة خاصة

لكن نفسي اعيش بهمسة

هيا ايه الحنية عندك

انك تقتليني بأي لمسة

لا ارجوكي عيشيني لحظة

اشوف فيها اي ضحكة

ولا انتي بتموتيني بذمة

سامحيني ياما

انتي بجدفي مشاعرك قاسية

بالهداوة

وحبة حبة

قلبي مش ناقص مناهدة

راعي اني لسة شابة

رغم الظروف لكني وردة

/_/_/_/_/_/_/_/_/_/_/_/_

محمدالباز

24/12/2015