ااااااااه يا أمى -------------------- كتب جمال السواح
كنت ناسى انك فى يوم
كنتى الدوا
كنتى الريحان المستخبى
ف ضلعى انا
كنتى الملايه والمخده والسرير
وحجات كتير
كنتى السعاده والهنا
كنتى الدموع الحيرانين
وكنت انا شايل عيدانى مكسرين
وبمشى مش ع الرجلتين
لأ ع الاربعه
ونور عنيك كان بنور سكتى
ولما اعيط كان صدرك
شايل دمعتى
والفرح ف عنيك بحسه وأضحك
ولما يادوب عرفت اخطى
كنتى السند
ولومره كحيت اوسعلت
تاخدينى ع المشفى قوام
ولما أروق تحسى انى بتولد
ولما رحت المدرسه
كانت بتيجى ساعة العشا
تقول لى عوزاك تبقى شاطر
عوزاك تكون م الموهوبين
وتعوض العمر اللى فات والسنين
مكنتش اعرف يعنى ايه موهوبين
ولاحتى ايه معنى السنين
كنت بلعب فى الشوارع
فى كل حاره وقدام الجوامع
بس كانت بترقبنى
وعنيها كانت سبقا رجلى
وكنت أنام الاقيها الصبح فى حضنى
والصبح يطرح من اديها
كلام فى ودنى
خلى بالك م الولاد
خلى بالك م الجيران
اوعى تتشاقه ياابنى
وارجعلى بسلام
ودارت الايام ولفت
وعودى اتصلب
مكنتش أسأل هيه نايمه ولا صحيه
مكنتش اعرف أقلها مالك سلامتك
أو حتى ياغاليه فين ابتسامتك
لما فى يوم لقيتها ماشيه بتتحنى
فوقت زى ميكون شئ غمنى
شاورت عليه بدون كلام
انا روحى راحت
م المشاوره ده مش سلام
نامت على الارض ودموعها بتتكلم كلام
أنا قلت فوقى ألحقينى كلمينى
انا أبنك وزامبك فى رقبتى صدقينى
قومى فوقى
يا أغلى من نور العيون
ما أفتكرتش أن شعرك الابيض نجوم
وأنتى قمرى فى الليالى
وبحرى لما أحتاج اعوم
متسبيش الدنيا أرجوك
غير لما كفر عن سيئاتى واسعدك
متندهيش الموت
وقومى قلبى بيتوعك
أرجوك ياموت أستنا
اسبوع أو شهور أو خدنى أنا
أنا عارف أمى
فى نور عنيها بنت حور
كانت بتدعى وهيه ساجده
ياأبنى ربى يسعدك
اليوم خلاص
معتش غير زكراها بيتولد
كل حاجه قدامى بتحكى
قصه من الفجر الجميل
نظاره وكردان ذهب
وعكاز وثوبها الحرير
وسجاده وسبحه
بتزكر الرب الرحيم
نامى فى القبر ياغاليه
روحك فى جسدى عبير
دلوقتى بس عرفت ياأمى
يعنى أيه مر السنين
بس أوعدك انى أكون م الموهبين
نامى فى سلام ياأمى
وربى هوه غفور رحيم
------------------------
التسميات: شعرحر
مرسلة بواسطة فاتن حسين @ يناير 18, 2016
<< الصفحة الرئيسية