الشاعر المصري /احمد ابراهيم **************************** فى قصيدة /سجّل للتاريخ اسمي (انا السوري) *****************************
****************************
فى قصيدة /سجّل للتاريخ اسمي (انا السوري)
*****************************
انا مواطن وتاه اسمي
سجّل قول على حكايتى
انا الضايع ولا مكتوب
هنا اسمي
انا العايم على موجة
جراح يأسي
انا المقطوع وتر صوتي
وشاب الحلم فى ملامحي
سجّل للتاريخ اسمي
وقول عني جارفني الموج
سجّل للتاريخ اسمي
انا بحبل الالم مشنوق
سجّل للتاريخ اسمي
انا السوري انا المتروك
سجّل تاني ووصفني
انا الماضي تاريخ اسود
فى صفحة موج
ومين سجّل ومين كاتب
ومين شاهد ده انا المجروح
وانا الغارق وانا المدبوح
وانا الشارد ودمى رخيص
بقا مسفوح
سجّل قول بأي كلام
تغيب الشمس عنى تروح
وانا عايش على ظلمة
ليالى ضعاف
ومات البدر فى سماها
نجوم بتخاف
من الحاضر
على ورقة فراق حاضر
وانا شارد ومش قادر
ومين داري ومين شايف
على درب الألم ماشي
وانا ضايع ما انا الضايع
الشاعر المصري / احمد ابراهيم
التسميات: قصحى حر
مرسلة بواسطة فاتن حسين @ يناير 01, 2016
<< الصفحة الرئيسية