...ملاكى....... رانيا مغربى....
....
لو ما قولتش شعر فيكى
طب قوليلى هقول فى مين
فى اللى فات قلبى فى
يوم مجروح حزين
وانتى اللى ضحيتى عشانى
بالليالى وبالسنين
كونتى عرفه انى قلبى ملك
غيرك واكتافيتى
جوه منك بالحنين
والسعادة اللى فى عيونك
لما قولت ان قلبى حب
تانى من جديد
والضحكة اللى بين شفايفك
لما تحسى انى معاكى بكون سعيد
او اقرب او اشاور من بعيد
كلمه واحدة من عيونى
ينبض جواكى الوريد
ولما اقولك ان حبك جوه منى
فى طريقة للخلود
تنكسفى من كلامى
ويحمر ورد الخدود
لو ما قولتش شعر فيكى
طب قوليلى هقول فى مين
فى اللى قلبة كان جبان
بعد ما حسسته الأمان
باع وخان كده من زمان
انتى بس و مهما كان
ذوقت وياكى الحنان
لو ما قولتش شعر فيكى
طب قوليلى هقول فى مين
فى اللى القلبة كان أنانى
باعنى مرة ومستعد يبعنى تانى
ان الأوان
أعترفلك يا ملاكى
ان حبك جوه منى
مهما عدى عليه زمان
هو حياتى وصلاتى والأدان
رانيا مغربى.
التسميات: شعر عامى
مرسلة بواسطة فاتن حسين @ مارس 02, 2016
<< الصفحة الرئيسية