..إن صح..الحلم...-بقلمي:يوسف م شحرور

..إن صح..الحلم....🎆🎆🎆🎆

لما الحلم بيرافق ليالينا
وبقلوبنا بيترك جراح
بنسألوا:ليش هيك عامل فينا.
ع غفلة بتذكرنا بماضينا
كيف رحنا والعمر منا راح
ومن كتر الهم نسينا اسامينا
قولك يا حلم وين صاروا
حبايبنا
معقول بعدهن عالمفارق ناطرينا
خبرهن دخلك بحالنا شو صار
خبرهن احنا كبرنا وما بعدنا زغار
وهني ال تركونا لأنن صاروا كبار
وهيك العمر سني بتجي
وسني بتروح
وما بيبقالنا الا أسى وجروح
ويللي بيجي من ورا الغيم
بيمر لحظة لعنا وبيفل
وما بيتذكر حدا من الكل
احنا بنبقى هون ناطرين
حاملين باقات الورد والفل
خلينا يا هالحلم نرجع ننام
بلكي بشي ليلة تتغير الاحلام.
ويمكن شي يوم نرجع نسافر
احنا تغربنا بوطننا والجوع كافر
بكرا بتغيب الشمس وبيطلع القمر
يا رب ساعدنا احنا بشر
مش حجر
وإن صح الحلم..شو صار
مشوار إجينا عالدني
مشواار .
-بقلمي:يوسف م شحرور

أعجب