عيشين بنتألم ..بقلم رمضان بقشيش

عيشين بنتألم
لكن بنتعلم
لمّا الزمان بيدور
ويجى علينا الدور
نقرأ مابين السطور
نفهم ونتألم
لكن بنتعلم
لمّا تقسى القلوب
وما تشوف غير العيوب
التلج مش بيدوب
ولا بقدر اتكلم
لكنى بتألم
بصحيح وبتعلم
لما تهون المحبة
وتهون على الحبايب
وتموت حبة حبة
يموت القلب اللى دايب
تبقى ما هش فارقة
حاضر زى غايب
وادينى بتألم
لكنى بتعلم
شكرا يا اغلى الناس
فاكرين قلوبكم ماس
يخسارة على الدنيا
بنيان من غير أساس
وادينى بتألم لكنى بتعلم
وازارى يهون الحنين
ورغم كتر السنين
طلعنا مش فاهمين
وادينى بتألم
لكنى بتعلم
بقلم رمضان بقشيش

أعجب