تحية إلى اسراء جعابيص الأسيرة الفلسطينية... .......جمعة عبدالجواد

تحية إلى اسراء جعابيص
الأسيرة الفلسطينية...
.......

هقولك إيه بقا يا إسراء
يا صِحّة وصابها دور إعياء...
يا قصّة وتشبهى وَطَنك
ألِف باءٌ ف ثُمّ الياء...
ويشهد كل من شاهدك
كِيف كُنّا كدا أعِزّاء ...
فى كل مكان بَنى دينك
تلاقى القوّة ويّا العدل...
ما كات نملة تصيبها الذّل...
ولا أيّا ما كان دِينُه
سماحة كانت تدور ع الكُل...
ودلوَقتى نقول فِينُه
ياريتُه يجيلنا يحيينا...
وليه يا عدل هاجِرنا
تعالى وعيش فى وِسطينا...
ونوّر فى ظلام إسراء
وزيح عتمة ليالينا...


جمعة عبدالجواد