ست الستات...بقلم الشاعر .ياسر شرف

ست الستات

رمز الأنوثة وحضن حنان

وشعار محبة وخير وجمال

مخلوقة برده بأيد فنان

سبحانه ربى الرحمن

وسلاحها عقل وفتنة كمان

تجذب وتسحر الإنسان 

المرأة زوجة وأم عيال

ومدرسة بتربى أجيال 

والبذرة فيها تنتج أموال 

دى تربة خصبة فى كل مكان

والعشق ليها أشكال وألوان 

هى الأمل هى الأحلام 

تجمع تظلل ليل ونهار

وكأنها أنهار وبحار

دنيا بسما وبأرض كمان

ونجوم وساطعة فى كل زمان

شمس وقمر و العشق جنان

وفى حضنها تحمى الإنسان 

ونيلها يجرى فى الشريان

يروى ويحيى عاشق ولهان

أمى واختى وزوجتى كمان

وادين لها بفضل وعرفان

فى كل حالة ليها بالذات

ده اسمها ست الستات

دنيا كبيرة وسر الكون

هى المدد وأكيد العون

أسماك طيور تصبح وتنام

على حضنها وبكل أمان 

رمز الخصوبة ودنيا كمان

وملجا ومأوى للإنسان. 

مع تحيات الفقير إلى الله 

ياسر شرف 

كبير محررين مترجمين

باتحاد الاذاعة والتلفزيون