غني ياحمام. أشرف سيد أحمد علي

غنى يا حمام

بتغنى لمين يا حمام

باغنى للناس الصاينين

للجميل. و القرب سلام

القلب أبيض مش خاينين

غنى يا حمام للهوى مرساله

غنى و غنى للحبيب

هويته و قلبى مرسى له

الروح هو و أقرب قريب

غنى يا حمام ع اللى جرى لى

الندل سلطان و الدنيا بتعلى

بعد العز و ألف جرى لى

أصبحتى تبكى و تعلى

بتغنى لمين يا حمام و تتوح

و لا كل من ضحك سنه سعيد

مجاريح عايشين حلاوة روح

من الهموم ما فرحنا بعيد

غنى يا حمام ع الغربة و قل لى

مفيش راحة بال و لا حتى شباب

يوم بسنين و سنين باتقلى

على نار البعد و الغربة عذاب

من الغربة باكتب لك بدموع العين

يا ابنى و الدموع حبرى

بكانى الشوق أيام و سنين

و عمرى منى بيجرى

غنى يا حمام و خليك فاكر

على الغربة قول مواويل

يا ولدى ابوك علشانك عافر

انت الروح و كل جميل

نور العين من غيرك نورها يروح

 الغربة قبر لو كان قصور

فيها غريب فين ما تروح

   خايف فيها اكون مقبور

بتغنى يا حمام لمين

باغنى للدنيا موال

أخرتها تحت التراب نايمين

راحلين و لا جاه و لا مال

يا حمام غنى ووغنى و طير

غنى ياحمام و قول الحان

املا الدنيا فرح و عبير

سلم على حبايبى و الخلان

بقلمي

أشرف سيد أحمد على