عد الثواني والساعات. عادل علي

عِد الثوانى والساعات 

وتعالى نبتدى من البداية 

ننسى اللى فات والذكريات 

ده كل جرح وله نهاية 

 وللا إحنا ننسى حاجات حاجات 

عيش الحقيقة إنك معايا 

دايما بتهرب منى لية ؟

والشوق فى عينك ومدارية 

سؤال جوابة مش لاقية ! 

فى الدنيا إية يتخاف علية ؟ 

غير قلب صورتك عايشة فية 

 تعيش معاه اجمل حكاية 

أحلامنا تايهة من سنين 

أشواقنا بين غربه وحنين 

نهرب بخوفنا نروح لفين 

ورضينا ليه

نكون مجروحين ؟ 

والفرحه ليها مشتاقين

وبايدنا نبتدى من البداية 

عِد الثوانى والساعات 

وتعالى نبتدى من البداية 

ننسى اللى فات والذكريات 

ده كل جرح وله نهايه 

وللا إحنا ننسى حاجات حاجات 

وللا إنت حبك مش كفايه ! 

          عادل علي