اوعديني.. الشاعر هشام علي

إوعديني إنك تجيني

تمسحي الدمع ف عيني

تعالي ردي وسمّعيني

نبض قلبك بينادني؟!

لسة بحبِك صدقيني

ضميني ليكي ورجعيني 

ياللي آهاتِك أنيني

يمكن أقدر يوم أقول لِك

حرماني منِك أصبح جنوني

ومطيّر النوم من عيوني

إوعديني إن إنتي جاية

تريّحي قلبي شوية

وألقى من ربي الهدية  

إبتسامتِك مالية عيني

فكّريني بكل الأماني 

إنها تاني جاية تاني

والألوف شاوروا علينا

هوَّ هوَّ ... وهيَّ هيَّ

رجعوا تاني لنفس القضية

ضميني ليكي ورجّعيني

ياللي آهاتِك أنيني

يمكن أقدر يوم أقول لِك

حرماني منِك أصبح جنوني

ومطّير النوم من عيوني

سافرتي ليه م قلتي جاية

وقلبي إستناكي شوية

وعقلي قال لأ مش هيَّ جاية

صدقت عقلي ... مش دي الأسية 

بعدها قلتي ألو ...

من كتر غضبي إللي الناس شافوه

ثرت فيكي م الكلام إللي قالوه

كنت في آخر حدودي 

وإتورمت منّي خدودي

ضميني ليكي ورجّعيني

ياللي آهاتِك أنيني

يمكن أقدر يوم أقول لِك

حرماني منِك أصبح جنوني

ومطّير النوم من عيوني

.. 

  المهندسين ف ٢٨ / ٨ / ٢٠٢٣ م

              إوعديني 

         أغنية من تأليفي

           هشام علي