شمعة شوق. الشاعر. طارق زكريا

شمعة شوق

. 

فايتنى وغاب من الجمعه

وانا روحى اليه طالعه

وبنطقها ومش سامعه

غير التنهيدة والدمعه

واشواقى اليه راجعه

كما الطوفان ومش قادرة

على التوهة وع الفرقة

وباخد فرحتى سرقة

وافصلها على قدك

وباكتبلك على قلبى

رسالة حب تندهلك

وبتخاطب حنان قلبك

تقوله تعالى نول ودك

حبيبي .. بلاش تزعلنى

ياغالى حرام ما تهجرنى

بلاش تنسي دلال حضنى

مانا حضناك وفى الننى

وانت هناك تكون جمبى

بعيد عنى .. قريب منى

وإحساسك بيسكنى

وروحى دوم تعاندنى

بتسكن قلبك البمبي

ياريت ياروحى توعدنى

اشوفك مرة يوم عندى

تعالى يلا وبسرعه

هنورلك بميت شمعه

تشيل من قلبنا الضلمة

ومين راح يمسح الدمعه

غير لمسة حبيب عمرى

لغير قلبه مانيش سامعه

..  

طارق زكريا