المولد النبوي. الشاعر. عبدالرحمن سيد قريطنة
حبيبي يامحمد ياأعظم رسول
خليت الكل حبك وتمنى الوصول
♡♕♡
هو احنا كنا فين
لاسنة كان ولا دين
معظمنا كانوا تايهين
وبيعبدوا الشياطين
والعقل كان مفصول
♡♕♡
حبيبي يامحمد ياأعظم رسول
♡♕♡
بعثك لينا الإله
علشان ننول رضاه
الحق كان معاه
مفيش إله سواه
مين فينا كان يطول
♡♕♡
حبيبي يامحمد ياأعظم رسول
♡♕♡
وصبحنا كلنا
عرفنا ربنا
شوفنا معاك الهنا
ليه غاروا مننا
نقدر دلوقت نقول
♡♕♡
حبيبي يامحمد ياأعظم رسول
♡♕♡
نورت قلوبنا يإسلامنا
ذكر النبي مايبعد عنا
يأنسنا ويصلح احوالنا
مصحفنا بقى حته منا والقلب بيه مشغول
♡♕♡
حبيبي يامحمد ياأعظم رسول
♡♕♡
ببساطة الكل حبك
وعرفنا الحب منك
نفرح لو شوفنا اسمك
نحزن ف البعد عنك
نورت لينا العقول
♡♕♡
حبيبي يامحمد ياأعظم رسول
♡♕♡
وعرفنا سنة ودين
والعطف على المسكين
ونواسي كل حزين
ف الكرب نقوم ونصلي
بالليل مهما يطول
♡♕♡
حبيبي يامحمد ياأعظم رسول
♡♕♡
لما جيتنا شوفنا نور
فتحت لينا الزهور
غردت ليك الطيور
والنسيم أصبح عطور
نفسنا برضاك ننول
♡♕♡
حبيبي يامحمد ياأعظم رسول
♡♕♡
عرفتنا إيه السماح
بعد ليل يجي الصباح
نسينا كل مافاتنا وراح
ذكر ربنا صار مباح
بالقرب منك مين يطول
♡♕♡
حبيبي يامحمد ياأعظم رسول
♡♕♡
جيت لكل الناس طبيب
للقلوب تبقى قريب
سهم حبك كان يصيب
كل كان منك غريب
نفسه منك نور ينول
♡♕♡
حبيبي يامحمد ياأعظم رسول
♡♕♡
واملنا نعرف كلنا
مين هو اصلا ربنا
نختم بتوحيد عمرنا
والكل يبقى زينا
جوانا تتربى العقول
♡♕♡
حبيبي يامحمد ياأعظم رسول
خليت الكل حبك يتمنى الوصول
♡♕♡
القلوب يملاها النور
والحزين بيبات مسرور
بالسلام عدينا بحور
ونبينا بدر من بدور
عرفنا إيه يعني الأصول
♡♕♡
حبيبي يامحمد ياأعظم رسول خليت الكل حبك وتمنى الوصول
♡♕♡
من أشعار عبد الرحمن سيد احمد قريطنه جمهورية مصر العربية
♡♕♡♕♡♕♡♕♡♕♡♕♡
التسميات: شعر ديني
مرسلة بواسطة fattenhseen@gmail.com @ سبتمبر 11, 2024
<< الصفحة الرئيسية