قبل مايضيع الزمن. الشاعر. عبدالرحمن قريطنة

♕قبل مايضيع الزمن♕

انا قلت اكتب كلمتين

على طول كده ف الوريد

وبإيد خفيفة فضرب إبرة ف الوجع

توصل لأبعد نخاع بيجيب وجع

وأي هم يجينا مش ممكن يزيد

واللي يصُدْ الريح راح يبقى هو الجدع

واللي بيهرب لما بتهب الرياح

مسكين ملاه الخوف من كتر البدع

ضاحكين عليه المدَّعين

عايشين على اكتاف المطحونين صبح ومسا ويادوب بلقمة مغمسا 

وضهر انحنا

من كتر احماله مازادت والفقر لاَبِدْ كل مايروح بيلاقيه

وكل مايلاقي الفرج جاي من بعيد

يلقى اللي سن الناب عليه

راح يعمل ايه

ومش هاتفرق أصله واخد ع الشقى

تعلا وتوطى الحياة معاه ويقول هاتفرج ياجدع

فيه من سمع

رغم اللي بيمر بأسى ومعفرة والليل جمعتين

ويجي وقت الضهر واحنا 

ف العرق غرقانين

ومشمرين حزية ع الوسط اللي طأطأ م الوجع

والمهزلة اللي احنا شايفينها بعنينا

بيقسموا التركة اللي ف الأصل بتاعتنا

على نفسهم من غير ماحتى يفكروا

يرمولنا فتفوتة ميراث كان حقنا وورثنا

يأخدوا حقوق مش حقهم ويسجلوها باسمهم

مع كل دا شايفين امل عمال يقرب مننا

بنقول ه‍ يجيي يضمنا والصبح يبقى ف حضننا ونفوق بقى واهو أمل

من كلماتي المتواضعة الشاعر عبدالرحمن سيداحمد قريطنه جمهورية مصر العربية ♡♕٢٠٢٣/٨/١♕♡