ومرت الأيام. الشاعرة. ليالي أحمد الأسعد

ومرّت الأيام بسرعه

زى قطر الذكريات 

وافتكرت اللى فات 

افتكرته لما كان 

كل يوم بيحلف إنه

مش هايبعد أو يسافر

قلبى كان مطمن عليه 

شفت فرحة عمرى جنبه 

شفتها وانا بين إيديه

وصحيت ف يوم 

وكان خياله اختفى

من فوق غصون 

عش الغرام 

قالوا سافر من زمان

رحت احبس دمع قلبى

خايفه من نظرة عزول

ومن حسود

تهت فى كل الوجود

عمرى يوم ماقلت آآآه ؟ 

لسه في باقى أمل ويا الحياة 

يرجع يعيد لي من جديد

كل ذكرى شفتها

 ف جنة غرامه

لسه بحلم في 

يوم هايرجع

وفـ إيديه حلم

 الليالى وزهرتين 

زهره في قلبى هاتسكن

وزهرته في عيونى تحضن

يومها راح أنسى ظنونى !

كنت فاكراه حب غيرى 

وطيره راح طاير بغيرى 

قلت راح يبقى مصيرى 

فى الهوى كله عذاب 

لكن ظنونى كلها 

 اتغيرت لمّا حضر 

كان حضوره 

 زى فارس وانتصر

رجعت الفرحه لعنيا 

رجعت البسمه لفؤادى 

وانتصرنا عالأعادى …

عاد لي حبيبى 💖

عاد وخلىّ القلب يفرح

أصله بيحس بعذابي

ــــــــــــــــــــــــــــــــــــــــــ

ليالي أحمد الأسعد

فلسطين 🇵🇸