م فتحتيش ليه.. الشاعر. صلاح محمود عفيفي

م فَتحتيش ليه...؟ 

من صُبحكِ غاب

فرحكِ وأَناديه

وفتحت كتاب جرحكِ وقاريه

دَقيت ع الباب ورَكنت عليه

غاب البواب م فتحلي عنيه

حَمِلتهُ عتاب علي أَد م غاب

وسألتهُ الباب م فتحتش ليه؟ 

رَد الأغراب إتركنوا عليه 

أنا ح أعمل إيه 

لو حُزنك طاب وسألتك ليه 

وظلمت ف قلبك رَد عتاب 

وهملت جواب وكدِبت عليه 

أبقي أنا كداب

أنا مش كداب وإن كُنت

قوليلي كِدبت ف إيه 

فرحكِ ع الباب إَتمَد غياب

إِتهَد ف حُرقة قلبي عليه 

وبأنادي عنيه تخرُجلي عتاب 

وتفارق جرح إيامي عليه 

م رضيش وعليه

قام جاب حكاويه

تشكي الأحباب 

وأنا وسط عذاب

لا عتاب ولا صبر مِأَثر فيه

م تبصُي مرايتكِ ح تقول إيه 

بعد أما يوّصي حنيني غياب

أنا.. ح أشكي عنيه

وح أَشّهد جرحي وصُبحي عليه 

أنا مش كداب...!!! 

شعر 

صلاح محمود عفيفى