كل كلامك. للشاعر. هشام علي

كل كلامك حلو ف حلو 

وانا مش عارف ابتدي من فين 

أبدي من عند الإحساس

ولَّا من عند كلام العين

م هيَّ إللي بصالي

وهيَّ إللي نادهالي

وهيَّ إللي قايله لي

إعشقني بس ورايح فين

ورمشك هوَّ إللي رماني

في سكتك والناس ماشيين

دلوقتي جاية تلوميني

وتشتكي وتقومي عيني

م عينيك إنتي إللي رأتني 

وأصبحت ليَّ انيني

م تشوفي حل وسامحيني

ولا تعتبي على نظرة عيني

وانا عارف إني هناك في القلب

وعارف إنك ح تسامحيني

ومهما سرحتي بيَّ بعيد

مش ممكن مرة ح تخاصميني

يا قلب مليان حنّية

يهديكي ليَّ يا نور عيني

.......... .......... .......... ..........

  المهندسين في ٧ / ١١ / ٢٠٢٤م 

     " رمشك هوَّ إللي رماني"

   شــــــعـر : هشــــام عـــلي

.......... .......... .......... ..........