ياجريد النخل العالي. نصر سيد بدر طلحة

ياجريد النخل العالى

ياجريد النخل العالى 

ميل وارمى السلام..

ع اللى باتمنى اشوفها 

لو حتى فى المنام ..

النور بيغيب فى غيابها..

وبتبقى الدنيا ضلام 

واقف فى مكانى من غيرها 

ومفيش خطوه لقدام ...

لو يصفى لى زمانى...

ترضى تكون المدام ..

لساها عايشه فى قلبى ..

وحلم من الاحلام 

ياجريد النخل العالى 

ميل وارمى السلام 

......... ........

ياجريد النخل العالى 

ميل وارمى التحيه..

قولها ياحبيبتي غلاوتك ..

فى القلب زى ماهيا..

عايشه على طول فى خيالى 

ولا يوم نسيا منسيا...

أنا قلبى أسير فى غرامك 

رافض عيشة الحريه...

من يوم ما قابلتك صدفه 

ولمست ايديك بأيديا ...

وأنا عارف ان معاكى..

راح تبقى العيشه هنيه ..

مستني ياغاليه جوابك...

م الصبر خلاص فاض بيا 

خايف لا العمر يعدى..

ولا ادوق طعم الحنيه..

واحشانى ونفسي القاكى 

اجمل طله ملايكيه..

ياجريد النخل العالى..

ميل وارمى التحيه.

........................

بقلم/نصر سيد بدر طلحه القاهره 

@إشارة