يوم رجوعك. سيد بدر طلحة

يوم رجوعك 

يوم رجوعك من غيابك 

كنت فايت جنب بابك 

شفت إيدك كاتبه أسمى 

وجوه أسمى سهم صابك 

عرفت أنى جوه قلبك...

والحنين هو اللى جابك 

رغم شكك وارتيابك.

..... ........

لسه فيه فى القلب باقى 

من حنين زاده اشتياقى

سلسبيل جايباه سواقى

يروى فى الأرض الشراقى

يقضى ع الجفوه اللى بيننا 

من عنادك..من غباءى..

من تجاهل كبريائي..

 م انفجارى واحتراقى

من غيابك.. واستياءى

ولسه فيه فى القلب باقى 

   ...... ......

ياللى صوتك عزف ناي

لسه فيه فى العمر جاى

جوه قلبى الغيره قايده 

زى راكيه فوقيها شاى

لو حاولت أنسى اللى بيننا 

هو أنا أنساكى ازاى ؟؟؟

   ..... ......

يوم ماتيجى بالسلامه 

راح اقابلك بأبتسامه..

قلبى راح ينسى الملامه 

رغم أن العمر عدى....

لسه فيه فى القلب ياما 

ياللى فى قلبى علامه 

بس تيجى بالسلامه.

..................

بقلم نصر سيد بدر طلحه القاهره

# إشارة للاصدقاء