الفاتحة. حليم محمود ابوالعيلة

الفاتحة

انا عــمــري بــيـجـري فـريـرة

 زي رهــوان وعــقـرب ثوانـي

يـشـــبــه بــنـــدول ســكــران

 وحــيــران بــيــن الــمــوانـي

ومـفـرداتـي مـأسـورة جـوايـا 

وتـايــه مــا بــيــن الــمـعـانـي

الـــعـــمــر ســرســـب وعــدىٰ

ومـسـتـحـيـل يرجـع لي تانـي

وانـا الـلــي كــنـت عـصــفــور

بـتنـطـط فـوق كل أغـصـانـي

أَسَّـحَـب وأسـاهـي الـجـنـايـن

يـصـطـادنـي كـمين بـسـتـاني

أبـص ف مــرايـتـي أوصافـي

مـتـغـيـرة وكــمــان ألــوانــي

أشـرب قـهـوتي تترعش إيـدي 

يعضني الندم وأقـول أه يـانـي

ونجوم السيما كانت تـشـبهنـي

ولا كـانـت حـاجـة عــجـبــانـي

والـجـواب اللي كـان ببـجـينـي 

ضــل دنــيــتــي وعـــنــوانــي

وعصايتي تقول علامة تعجب!

والـفـصـلـة أكـيـد فـصــلانــي

وضـهـري عـلامـة اسـتـفـهـام؟

والــكــســرة كـمـان كـسـرانـي

عـايـش عــمــري ف ســكــون

والـحــسـرة كـمـان ســكـنانـي

وفـتحوا فــتـحـة بـاب قـبـري 

وفاتحة على روحي وجثماني

وقـبـري فــزعـنــي وضــمـنــي

وشفع لي استغفـاري وقـرآنـي

                   كلماتي:

الشاعر: حليم محمود أبو العيلة 

مصر