أزمة روح بقلم محمد سالم

أزمة روح

*************

أزمة روح جوه كيان مسموم مجروح

قلب النار ظلم عار سايل وبألمه بيبوح

ينزف على أوتار الجرح يرسم فصل عذاب مشروح

فاتح بابه للأحزان والإنسان جواه مدبوح

يصرخ من بركان الذل وضمير العالم ممسوح

شد لجام الخوف والصبر وبيتدارى فى المسموح

عايش غابه من الأشرار ومراره أصبح مفضوح

جوة كابوس الزمن الداير عُمره فى لحظة عليه بيرُوح

جوه كيانه أزمه روح درب الموت بقى ليه مفتوح

محمد سالم