ليه يا حرف خايف بقلم إيمان البلتاجى

ليه يا حرف خايف

وليه حزين

بتطل من وراء الشباك

خايف تشوف النور

وخايف من قسوة العيون

ومية لسان ظالم 

يفهموا زي ما يفهموا

افتح شبابيك الامل

وغرد بأعلي صوت

مش مطلوب منك تشرح

مش مطلوب منك تدافع

صوتك قوي زي صوت المدافع

بتنبه الكون اننا لينا حق من غير ماندافع

حقي اكتب حقي اعبر حقي ارفض 

حقي فى الكلام مباح من غير ما برر

من غير سياج اخرس عقيم الفكر 

من حقي اتكلم واحلم

طول منا عايش يا حياه من حقي 

ارسم خطوط حلمي الجميل الاخضر

وانت يا قلمي كفايه صمت

كفايه الم..اصرخ وعبر

وارسم على جدار الحياه

الف ضحكه والف بسمه

وغرد 

وغرد فى كل الميادين

غرد فى كل الاماكن 

امسح دموع الصمت وانشد واعبر

#إيمان البلتاجى