حكايه لأمى بقلم جمال اسواح

------------- حكايه لأمى

--------------------------------------------------

أه يا أمه لوتعرفى يعنى أيه الجيش 

بيعلمونا اذاى الوطن بيعيش

وان الارض أمى

والتراب اغلى منه مفيش

ولا عمى الشويش لما يقلى

خلى بالك يادفعه

العدو غدار ومايستاهل مننا دمعه

اروى بدمك ارضك والناس كلها سامعه

إن المقاتل مصرى شجاع

لايهيبه ارهاب حتى لو كانو ضباع 

اسود ياجيش الوطن م العسكرى للصاغ 

أما البواسل قادتنا خططهم بتدرس 

فى حرب الشرف والكرامه ضباط ومهندس

وتاريخ بيكتب وطن وعدونا مفلس 

عرفتى يا أمه يعنى أيه الجيش

يعنى ايه بيحرس وطن من ارهاب

مأجور بيقتل بأسم الدين

فى الضلمه مش فى النور

فمتزعليش يا أمه لو جيت زراعى مبتور 

او حته جثه فى كفن 

أنا الشهيد يا أمه وجوزونى الحور

انا اللى حامى الوطن والبندقيه سلاحى

انا شهيد الوطن علشان بلادى تعيش 

كان الاحتلال معروف وعدو نافش ريش

فى ست ساعات يا أمه 

كانو فران مش جيش

لكن اللى خايف منه 

هوه احتلال العقول بالعمم والدراويش

ياشعب فوق م المغالطه وحيو ف بلدنا الجيش

------------ كتب جمال اسواح